Hurrengo pausoa nekazari edo baserritar bat bilatzea izan zen. Pare bat bisitaren ondoren, Usurbileko baserritar iruditu zitzaigun egokiena. Eta horrela hasi ginen, 2011-ko urrian, astero otar bat jasotzen Amara Berriko Ikasbide elkartean.
Azaroan gertakizun garrantzitsua izan zen: uholdeak. Lur-saila urpean geratu zen hainbat orduz, eta ez zegoen garbi zer eragin izango zuen horrek barazkiengan.
Aste batzuetan barazki gutxiago izan zen, pare bat astetan bat ere ez, baina pixkanaka egoera normaltzen joan zen eta lur-sailera egin genuen azken bisitan, apirileko larunbat eguzkitsu batean, uholdearen eragina ahaztuta zegoen jadanik.